«Usio kiepskaje ŭ vas jašče napieradzie». Azaronku adkryta skazali praŭdu ŭ vočy
Advažnaja žančyna, jakaja pryjšła na sud nad pravaabaroncami «Viasny», prosta ŭ vočy vykazała prapahandystu Ryhoru Azaronku, što pra jaho dumaje.
Azaronak, jak zvyčajna pryniata ŭ dziaržaŭnych prapahandystaŭ, čaplaŭsia da zamiežnych dypłamataŭ, jakija chacieli prysutničać na sudzie nad nobieleŭskim łaŭreatam Alesiem Bialackim i jaho paplečnikami. Adna z žančyn umiašałasia ŭ hetuju razmovu i abvinavaciła dziaržaŭnych prapahandystaŭ u padtrymcy teroru. Na nastojlivaje pytańnie Azaronka, jaki teror jany padtrymlivajuć, žančyna adkazała: «Teror — heta Azaronak».
Paśla biespaśpiachovych sprobaŭ Azaronka maralna prynizić žančynu jon cynična pažadaŭ joj «dobraha dnia», na što jana ŭ adkaz pažadała jamu kiepskaha dnia i vykazała ŭpeŭnienaść, što ŭsio kiepskaje ŭ jaho napieradzie. I navat pakazała palcami, što mienavita maje na ŭvazie.
