U Varšavie abrabavali bar, jakim vałodaje biełarus
U Varšavie abrabavali bar Karma, zasnavalnikam jakoha źjaŭlajecca biełarus Hleb Kavaloŭ. Raniej bar pracavaŭ u Minsku, paźniej — u Kijevie, a paśla rasijskaha ŭvarvańnia va Ukrainu ŭstanova adkryłasia ŭ Polščy, piša Reform.by.
Fota: instagram.com/karma7warsaw
Pa słovach supracoŭnikaŭ, incydent adbyŭsia 4 studzienia.
«Učora ŭviečary niekalki rabaŭnikoŭ pranikli ŭ naš bar praz šklanyja dźviery: jany raźbili šklanuju panel, kab patrapić uciaredzinu, skrali 500 złotych z kasy i niekalki butelek viski, paśla čaho źnikli. My adrazu ž źviarnulisia ŭ palicyju», — raspaviali va ŭstanovie.
Fota: instagram.com/karma7warsaw
«Jak vy, napeŭna, užo viedajecie, my budujem novaje pamiaškańnie naviersie — bolšaja častka našych resursaŭ nakiravanaja na heta. U dadatak da ŭsiaho, «Karmie» pryjšłosia za svoj košt zamianić amal usiu pravodku ŭ bary, choć hrošy na heta pavinny byli pastupić z municypalnaha biudžetu. Takim čynam, tak, heta było vielmi niaprosta. I tak jak ciapier zima, my nie možam pracavać na poŭnuju siłu. Kab papravić vokny i pakryć straty, nam treba 2000 złotych. Kali vy možacie achviaravać lubuju sumu hrošaj — navat 5—10 złotych — my budziem vam vielmi ŭdziačnyja. My budziem źbirać srodki praz Revolut (naš Revtag — @hlebblj30)», — havorycca ŭ paviedamleńni, apublikavanym u instahram-akaŭncie bara.
Pomožitie požałusta nam!