Kamandujučy abaronaj Kijeva: Minnyja pali i inšyja pastki nie daduć vorahu pajści dalej biełaruskaj miažy
Na miažy ź Biełaruśsiu siły abarony Ukrainy stvaryli hrupoŭku, hatovuju sustreć voraha. Šmatuzroŭnievaja sistema abarony ŭkrainskich vojskaŭ nie dazvolić jamu pajści dalej biełaruskaj miažy. Pra heta ŭ efiry ahulnanacyjanalnaha telemarafonu «Adzinyja naviny» paviedamiŭ kamandujučy hrupoŭkaj sił i srodkaŭ abarony Kijeva hienierał-lejtenant Alaksandr Paŭluk.
«My stvaryli hrupoŭku na miažy ź Biełaruśsiu, jakaja hatovaja hodna sustreć voraha. Kijeŭskaja vobłaść davoli mocna padrychtavałasia da mahčymaha novaha nastupleńnia: heta niekalki rubiažoŭ vakoł Kijeva ahulnaj praciahłaściu kala 1 000 km, dzie na asnovie fartyfikacyjnych pazicyj, doŭhaterminovych abaronnych zbudavańniaŭ stvorana mahutnaja sistema abarony, tak prosta prajści budzie niemahčyma», — zapeŭniŭ Paŭluk.
Jon adznačyŭ, što ŭkrainska-biełaruskuju miažu vorah nie zmoža pieraadoleć, bo heta «sucelnyja zavały i minnyja pali».
«Da taho ž pa ich spłanavany ahoń artyleryi, praca ad snajpierskich hrup da mabilnych ahniavych hrup. My nie płanujem prapuścić ich dalej miažy», — zajaviŭ Paŭluk, dadaŭšy, što sajuznym vojskam Rasii i Biełarusi spatrebiacca niemałyja namahańni, kab prasunucca ŭhłyb Ukrainy.
Paŭluk taksama zapeŭniŭ, što Ukraina ŭvažliva adsočvaje ruch rasijskich vojskaŭ na terytoryi Biełarusi.
Napiaredadni kiraŭnik Dziaržaŭnaj pamiežnaj słužby Siarhiej Dejneka paviedamiŭ, što na terytoryi Respubliki Biełaruś znachodzicca da 10,5 tys. vajskoŭcaŭ Rasii, častka ź jakich u najbližejšyja dva tydni budzie pierakinutaja na Danieččynu. Ciapier, pavodle jaho, nie fiksujecca stvareńnie nastupalnych hrupovak na terytoryi Biełarusi, i ŭ studzieni naŭrad ci rasijskija i biełaruskija vojski buduć zdolnyja ździejśnić paŭtornaje nastupleńnie na terytoryju Ukrainy.
Čytajcie taksama:
«Vorah nie pieramoža pryrodu i Boha». Jak ukraincy ŭmacoŭvajuć miažu ź Biełaruśsiu i čakajuć nastup Łukašenki
Mer Žytomira: Połk Kalinoŭskaha budzie pierakinuty na miažu ŭ vypadku napadu ź Biełarusi
Kiraŭnik Rovienskaj vobłaści: Biełarusy — dakładna nie ruskija. I jašče rana aceńvać ich rolu
