Jašče piaciarych biełarusaŭ pryznali terarystami
Kamitet dziaržaŭnaj biaśpieki abnaviŭ śpis «asob, jakija majuć dačynieńnie da terarystyčnaj dziejnaści».
U śpis dadałosia piać čałaviek:
Alaksandr Jemialjanaŭ — jon byŭ asudžany pa artykule ab raspalvańni varožaści (art. 130).
Dźmitryj Kachanoŭski — supracoŭnik «Biełtelekama» z Mahilova, jaki nibyta braŭ z bazy asabistyja źviestki siłavikoŭ, dziaržsłužačych, sudździaŭ. Jamu vystaŭlenaje abvinavačvańnie pa artykule 130 KK.
Michaił Korzun, jakoha prysudzili da čatyroch hadoŭ kałonii pavodle art. 130 KK za «niehatyŭnyja kamientary» pra Łukašenku.
A taksama Mikałaj Kacałapaŭ i Mikałaj Vasilevič — ich abvinavačvajuć u finansavańni terarystyčnaj dziejnaści (art. 290-1 KK).
Ciapier u «terarystyčnym» śpisie KDB 993 čałavieki, ź ich 247 — hramadzianie Biełarusi.
