Zatrymali i asudzili dačku Jaŭhiena Livianta, jaho ziacia i žonku
Siłaviki zatrymali dačku viadomaha repietytara Jaŭhiena Livianta Hannu i jaje muža, kali tyja viarnulisia z Polščy, paviedamlaje «Miedyjazona».
Dačka Jaŭhiena Livianta Hanna
Adzin z praŭładnych telehram-kanałaŭ piša, što Hanna z mužam udzielničali ŭ masavych parušeńniach paradku i pierakryvali darohi ŭ 2020 hodzie.
A ŭ videa, apublikavanym kanałam, Hanna dadaje, što była padpisanaja na «ekstremisckija» telehram-kanały i adpraŭlała im infarmacyju. Jaje muž kaža, što para viarnułasia ŭ Biełaruś i była zatrymanaja.
Paźniej «Lusterka» paviedamiła, što zatrymali i žonku Livianta. Jana znachodzicca na Akreścina.
Pra zatrymańnie Jaŭhiena Livianta stała viadoma 28 śniežnia. Na videa piedahoh kazaŭ, što ŭdzielničaŭ u akcyjach pratestu ŭ Minsku, błakavaŭ ruch transpartu, a taksama braŭ udzieł u adnym z pasiadžeńniaŭ Kaardynacyjnaj rady.
Paźniej stała viadoma, što Jaŭhienu Liviantu dali 14 sutak, žoncy Julii Liviant — 15 sutak, Hańnie Liviant — 14 sutak.
