Stali viadomyja detali abmienu: jak Miedźviedčuka i piaciarych kamandziraŭ «Azova» abmianiali ŭ Ankary
Tureckaje vydańnie Hurriyet apublikavała materyjał z detalami apieracyi pa abmienie abaroncaŭ «Azoŭstali» i kuma Pucina, prarasijskaha palityka Viktara Miedźviedčuka.
U artykule havorycca, što abmien adbyŭsia pa inicyjatyvie rasijskaha boku, a sami pieramovy prachodzili ŭ Ankary, pad kiraŭnictvam Nacyjanalnaj raźviedvalnaj arhanizacyi Turcyi.
Sam abmien taksama častkova adbyŭsia ŭ Turcyi. U aeraport Ankary prylacieli dva samaloty, z Rasii i Ukrainy. Na borcie pieršaha byli piać kamandziraŭ «Azova», druhoha — Miedźviadčuk. Pierad abmienam pradstaŭniki ŭkrainskaha boku zajšli ŭ rasijski samalot, a rasijskaha boku — va ŭkrainski. Paśla pravierki asob i stanu zdaroŭja adbyŭsia abmien — «biez anijakich prablem».
Pa patrabavańni Rasii kamandziry «Azova» zastalisia ŭ Turcyi. Pra los Miedźviedčuka ŭ artykule Hurriyet nie paviedamlajecca.
