Premjer Polščy źbirajecca abmierkavać z ukrainskim kaleham «hieraizacyju» Bandery
Premjer-ministr Polščy Matevuš Maraviecki zajaviŭ, što abmiarkuje z ukrainskim kaleham Dzianisam Šmyhalom pytańnie «hieraizacyi» Ściapana Bandery na aficyjnych staronkach orhanaŭ ułady Ukrainy.
Padčas pres-kanfierencyi Maravieckaha spytali ab dopisach pra dzień narodzinaŭ Ściapana Bandery na staronkach aficyjnych orhanaŭ Ukrainy, u pryvatnaści Viarchoŭnaj Rady.
«Da luboj hieraizacyi ci navat zhadki pra Banderu my stavimsia vielmi krytyčna, vielmi-vielmi niehatyŭna. U majoj pieršaj hutarcy z premjer-ministram Ukrainy Dzianisam Šmyhalom paśla taho, što adbyłosia, ja budu kazać pra heta vielmi i vielmi adnaznačna», — prakamientavaŭ Maraviecki.
Polski premjer taksama nazvaŭ Banderu «ideołaham złačynnych časoŭ, časoŭ vajny», kali adbylisia «strašnyja ŭkrainskija złačynstvy».
«Tut nielha ni ŭ jakim razie zhadžacca na niejkaje pabłažlivaje staŭleńnie da tych, chto nie choča pryznać, što toj strašny hienacyd byŭ niečym niejmaviernym i zrabić poŭnaje vykupleńnie, poŭnaje pryznańnie viny», — dadaŭ jon.
Fihura Ściapana Bandery i raniej była nahodaj dla dyskusij u polska-ŭkrainskich adnosinach. U Varšavie jaho ličać datyčnym da Vałynskaj trahiedyi lipienia 1943 hoda, jakuju ŭ Polščy nazyvajuć hienacydam polskaha nasielnictva, a taksama prapahandy niedružalubnych adnosin da Polščy.
