Hadzińnikavy zavod «Pramień» vypuściŭ navahodniuju kalekcyju budzilnikaŭ z kaladnaj zorkaj
Jak raskazaŭ aŭtar ilustracyj na budzilniku Kirył Dziamieška ŭ kamientary vydańniu CityDog.io, supracoŭnictva z zavodam «Pramień» — heta vynik jahonaj vytvorčaj praktyki na trecim kursie.
Fota: luch.official / Instagram
«Praktyka praduhledžvała najaŭnaść zamoŭcy. Dziakujučy našaj vykładčycy Volzie Karžanievič zamoŭcam vystupiŭ «Pramień». Jana i viała ź pieramovy z kampanijaj. Darečy, kali vy bačyli hadzińniki, vypuščanyja «Pramieniem» da 100-hodździa BDU, to ich dyzajn raspracavała taksama jana.
Što datyčyć idei, to pieršapačatkova nas padzialili pa temach, mnie trapilisia «navahodnija hadzińniki». Amal adrazu zrazumieŭ, što chaču zrabić niešta svajo i rodnaje, tamu moj vybar byŭ zrobleny na karyść Kaladaŭ. Vybiraŭ pamiž dvuma atrybutami: kazoj i kaladnaj zorkaj».
Hadzińnik dastupny ŭ sinim i čyrvonym kolerach i vykanany ŭ kłasičnaj formie budzilnika. Košt — 59 rubloŭ. Darečy, kupić jaho možna nie tolki ŭ firmovych kramach, ale i ŭ internet-kramie zavoda z dastaŭkaj pa ŭsim śviecie.
Čytajcie taksama:
Vas tut kličuć na adkryty anłajn-zaniatak pa biełaruskaj movie
Kvaterazdymka: dyzajniery zrabili łoft dla siamji ŭ žyłym kompleksie ź vidam na Drazdy
