Paśla ŭračystaha prajezdu Pucina pa Krymskim moście tam iznoŭ abmiažoŭvajuć ruch
Aŭtamabili hruzapadymalnaściu bolš za paŭtary tony nie buduć dapuskacca na Krymski most z 0:00 11 śniežnia, paviedamlaje pres-słužba Rasaŭtadara.
Pucin na Krymskim moście 5 śniežnia. Fota: Mikhail Metzel, Sputnik via AP
«Kiroŭcam hruzavych mašyn hruzapadymalnaściu bolš za paŭtary tony (u tym liku aŭtamabilam typu «Haziel», jakija ruchajucca jak z hruzam, tak i parožnimi) pry pierasiačeńni Kierčanskaha praliva varta vybirać dla prajezdu alternatyŭny naziemny aŭtadarožny maršrut abo karystacca paromnaj pierapravaj. Nazvanyja aŭtatranspartnyja srodki časova nie buduć dapuskacca dla ruchu pa Krymskim moście», — havorycca ŭ paviedamleńni.
5 śniežnia, pa paviedamleńniach ŚMI, prezident Rasii Uładzimir Pucin prajechaŭ za rulom pa Krymskim moście. Heta pavinna było prademanstravać nadziejnaść i hatoŭnaść masta, na jakim adbyŭsia vybuch jakraz paśla dnia narodzinaŭ rasijskaha prezidenta.
