Prezident Litvy nazvaŭ prapanovu Biełarusi pieravozić ukrainskaje zbožža pastkaj
Prezident Litvy Hitanas Naŭsieda ŭ subotu nazvaŭ prapanovu Biełarusi pieravozić ukrainskaje zbožža praz svaju terytoryju pastkaj, pieradaje DELFI. Jon skazaŭ, što Biełarusi nie daviaraje i sama Ukraina.
Biełaruś na hetym tydni paviedamiła AAN, što zhodnaja biez papiarednich umoŭ na tranzit praź jaje terytoryju ŭkrainskaha zbožža dla nastupnaha ekspartu z partoŭ u Litvie, adnak znoŭ paprasiła dazvołu na ekspart svaich uhnajeńniaŭ, jakija patrapili pad sankcyi.
«Ja dumaju, heta pastka. Heta pastka, u jakuju chočuć pryvabić i pakazać, što voś Zachad znoŭ pavodzić siabie niepaśladoŭna, nie moža damovicca ab sankcyjach», — skazaŭ žurnalistam u subotu Naŭsieda, kamientujučy prapanovu Biełarusi.
Jon nazvaŭ inicyjatyvu Minska «staroj pieśniaj, jakuju my daŭno ŭžo čujem», i skazaŭ, što Biełarusi nie daviaraje i sama Ukraina. «Jak joj možna daviarać, kali jana dazvalaje rasijanam rabić na svajoj terytoryi ŭsio, što im chočacca?» — skazaŭ prezident Litvy.
Vice-ministr zamiežnych spraŭ Biełarusi Juryj Ambrazievič na hetym tydni abmierkavaŭ pytańnie ekspartu ŭkrainskaha zbožža z hiensiekam AAN. Ambrazievič «paŭtaryŭ prośbu svajho ŭrada dazvolić ekspart biełaruskich uhnajeńniaŭ, jakija zaraz znachodziacca pad sankcyjami».
