Mižnarodny alimpijski kamitet padoŭžyŭ sankcyi suprać Rasii i Biełarusi
9 śniežnia ŭchvalenaja dekłaracyja 11-ha Alimpijskaha samitu. Pieravažnaja bolšaść jaho ŭdzielnikaŭ pahadziłasia z tym, što sankcyi suprać Rasii i Biełarusi, vinavatych u hrubym parušeńni Alimpijskaha pieramirja i Alimpijskaj chartyi, pavinny zastavacca ŭ sile.
Sankcyi MAK siarod inšaha ŭklučajuć:
- zabaronu na praviadzieńnie mižnarodnych spartyŭnych spabornictvaŭ, jakija arhanizujuć abo padtrymlivajuć MAK ci Nacyjanalnyja alimpijskija kamitety ŭ Rasii ci Biełarusi;
- nijakija ściahi, himny, kolery abo lubyja inšyja simvały hetych dziaržaŭ nie demanstrujucca ni na jakoj spartyŭnaj padziei abo sustrečy.
28 lutaha, praz čatyry dni paśla poŭnamaštabnaha ŭvarvańnia rasijskich vojskaŭ na terytoryju Ukrainy, u tym liku z terytoryi Biełarusi, Mižnarodny alimpijski kamitet zaklikaŭ mižnarodnyja spartyŭnyja fiederacyi nie dapuskać da spabornictvaŭ atletaŭ z Rasii i Biełarusi.
U lipieni stała viadoma, što ŭ suviazi z sankcyjami, uviedzienymi za napad Rasii na Ukrainu i rolu Biełarusi ŭ vajennaj ahresii, biełaruskija i rasijskija spartsmieny ryzykujuć prapuścić XXXIII letnija Alimpijskija hulni, jakija projduć u Paryžy z 26 lipienia pa 11 žniŭnia 2024 hoda. Vierahodnaść taho, što tak i staniecca, ciapier vielmi vysokaja.
Adnosna taho, ci mohuć dazvolić vystupić na Alimpijadzie pad niejtralnym (alimpijskim) ściaham tym spartsmienam, jakija adkryta asudzili ahresiju, pakul ničoha nieviadoma.
