Brytanskaja raźviedka: Padobna, Rasija atrymała novuju partyju iranskich dronaŭ
U śviežaj ranišniaj zvodcy ab stanoviščy spraŭ na frantach Ukrainy brytanskaja raźviedka papiaredžvaje ab mahčymaj novaj chvali rasijskich napadaŭ z vykarystańniem iranskich dronaŭ.
Pastupili paviedamleńni, što ŭpieršyniu za try tydni adnavilisia ataki z vykarystańniem bieśpiłotnikaŭ-kamikadze, pieradadzienych Rasii Iranam.
6—7 śniežnia ŭkrainskija aficyjnyja asoby paviedamili, što Zaparožskaja i Dnieprapiatroŭskaja vobłaści padvierhlisia napadam z vykarystańniem dronaŭ. Pavodle infarmacyi Hienštaba Ukrainy, 17 BPŁA było źbita, u tym liku 14 «Šachiedaŭ-136».
Apošni raz paviedamleńni ab napadach dronaŭ na ŭkrainskuju terytoryju pastupali 17 listapada.
Infarmacyju ab adnaŭleńni aktyŭnaści dronaŭ jašče treba budzie pravieryć, ale kali heta tak, to, vierahodna, vysnovu možna zrabić takuju: Rasija vyčarpała svaje papiarednija zapasy BPŁA «Šachied-131» i «Šachied-136» i ciapier atrymała papaŭnieńnie.
U hetym vypadku možna čakać novaj chvali rasijskich napadaŭ z užyvańniem BPŁA.
