Pucin patłumačyŭ, čamu źniščaje ŭkrainskuju enierhietyku. Kaža, što heta pomsta
Jon pryznaŭ, što Rasija śviadoma niščyć abjekty ŭkrainskaj krytyčnaj infrastruktury i pakidaje miljony ŭkraincaŭ biez kamunikacyj, bo Ukraina pieršaj atakavała Krymski most.
«Ciapier šmat šumu nakont našych udaraŭ pa enierhietyčnaj infrastruktury susiedniaj krainy. Tak, my robim heta. Ale chto pačaŭ?
Chto ŭdaryŭ pa Krymskim moście, chto padarvaŭ ŁEP z AES Kurska, chto nie padvioŭ vadu ŭ Danieck? Niepadača vady ŭ miljonny horad — heta akt hienacydu. Nichto nidzie słovam pra heta nie abmoviŭsia. Naohuł maŭčok poŭny.
Varta nam tolki pavarušycca niešta zrabić u adkaz — šum, ham, tresk na ŭvieś suśviet. Heta nie budzie nam pieraškadžać vykonvać bajavyja zadačy», — skazaŭ Pucin.
Pra toje, što ŭdary pa rasijskich abjektach źjaŭlajucca adkazam na raźviazanuju Rasijaj vajnu, Pucin nie skazaŭ.