Asudžanuju ŭ Rasii baskietbalistku Hrajnier abmianiali na «handlara śmierciu» Viktara Buta
Baskietbalistku zbornaj ZŠA Brytni Hrajnier, asudžanuju na 9 hadoŭ kałonii za narkotyki, pamianiali na Viktara Buta, jaki z 2008 hoda znachodzicca ŭ źniavoleńni ŭ ZŠA i asudžany na 25 hadoŭ za kantrabandu zbroi.
Spartsmienku zatrymali ŭ lutym 2022 hoda. Tady Brytni Hrajnier, jakaja vystupała za jekaciarynhburhski kłub UHMK, prylacieła ŭ Rasiju, i na tamožni ŭ jaje rečach znajšli zabaronienaje ŭ Rasii rečyva — hašyšny alej.
U pačatku žniŭnia sud pryznaŭ Hrajnier vinavataj u kantrabandzie narkotykaŭ i vynies joj prysud u 9 hadoŭ źniavoleńnia, a taksama štraf u 1 miljon rasijskich rubloŭ. Jon, darečy, naŭrad ci vykliča ŭ Hrajnier ciažkaści. Amierykanka ličyłasia samaj vysokaapłatnaj baskietbalistkaj u śviecie i atrymlivała va UHMK zarobak pamieram u 2 miljony dalaraŭ.
Džo Bajden u prysutnaści Entani Blinkiena i Kamiły Charys, a taksama žonki Hrajnier pahavaryli ź joj pa telefonie paśla vyzvaleńnia.
Dziaŭčyna ŭžo lacić dadomu.
