Pasolstvy Ukrainy ŭ Rumynii i Danii taksama atrymali dziŭnyja pasyłki
Jak paviedamiŭ siońnia kiraŭnik MZS Ukrainy Dźmitryj Kuleba, pasolstvy krainy ŭ Rumynii i Danii taksama atrymali «niebiaśpiečnyja pakiety» ad nieviadomych adpraŭnikoŭ, piša Bi-bi-si.
Hetaja historyja pačałasia z taho, što ŭ pasolstva Ukrainy ŭ Ispanii pryjšoŭ pakiet z vybuchovym prystasavańniem unutry. Čałaviek, jaki adkryŭ jaho, atrymaŭ ranieńnie. Zatym u pasolstvy i konsulstvy Ukrainy pa ŭsioj Jeŭropie pačali prychodzić pasyłki, unutry byli vočy žyvioł — karoŭ abo śviniej.
«Usich, chto praciahvaje dasyłać hetyja pakiety i teraryzavać našy pasolstvy, prašu rassłabicca i nie marnavać svoj čas i hrošy na paštovyja marki. Ničoha vy hetym nie dabjeciesia. Mahu paŭtaryć dla ŭsich vorahaŭ ukrainskaj dypłamatyi — vam nie ŭdasca zapałochać abo spynić nas», — skazaŭ Kuleba.
Raniej jon kazaŭ, što ŭ jaho vialikaja spakusa abvinavacić u tym, što adbyvajecca, Rasiju, ale jon chacieŭ by dačakacca vynikaŭ rasśledavańnia, jakoje pačali ispanskija pravaachoŭnyja orhany.
Adkaznaść za rassyłku takich pakietaŭ na siabie pakul nichto nie braŭ.