Pasolstva Biełarusi ŭ Rasii: Pad Maskvoj lečacca ad mieninhitu 9 biełarusaŭ
Pasolstva Biełarusi ŭ Rasii raskazała, što ciapier čuvać adnosna tych biełarusaŭ, jakija niadaŭna pad Maskvoj patrapili ŭ balnicy ŭ suviazi z uspyškaj mieninhitu.
Fota ilustracyjnaje
Jak paviedamili ŭ maskoŭskim pradstaŭnictvie, na lačeńni ciapier znachodziacca 9 biełaruskich hramadzian. Stan chvorych nibyta stabilny, nazirajecca stanoŭčaja dynamika. Ciažkich pacyjentaŭ siarod biełarusaŭ niama.
Raniej paviedamlałasia, što ŭ kancy listapada 12 našych suajčyńnikaŭ patrapili ŭ kliniki Maskoŭskaj vobłaści z padazreńniem na mieninhit.
Pra ŭspyšku mieninhitu ŭ Padmaskoŭi 28 listapada raspavioŭ telehram-kanał Mash sa spasyłkaj na svajakoŭ chvorych. Jany paviedamili, što zachvareli supracoŭniki składa internet-kramy Ozon, jakija žyli ŭ internacie ŭ pasiołku Nachabina. U balnicy byli dastaŭlenyja bolš za 30 chvorych, mnohija ź ich apynulisia ŭ reanimacyi. Paviedamlałasia, što siarod ich byli hramadzianie Biełarusi, Kyrhyzstana, Tadžykistana, Uźbiekistana i Azierbajdžana.
Paźniej źjaviłasia infarmacyja, što adzin z 10 biełarusaŭ, jakija znachodzilisia ŭ klinikach Padmaskoŭja, pamior, ale jana pakul nie paćvierdziłasia.
Čytajcie taksama:
Dziesiać biełarusaŭ pad Maskvoj zachvareli na mieninhit
