Va Ukrainie płanujuć zabaranić dziejnaść relihijnych arhanizacyj, źviazanych z Rasijaj
Rada nacyjanalnaj biaśpieki i abarony (RNBA) Ukrainy daručyła, kab urad unios na razhlad Viarchoŭnaj Rady zakonaprajekt «ab niemahčymaści dziejnaści ŭ Ukrainie relihijnych arhanizacyj, afilavanych z centrami ŭpłyvu ŭ RF».
Pra heta prezident Ukrainy Uładzimir Zialenski paviedamiŭ u videazvarocie ŭviečary 1 śniežnia.
Pavodle jaho słoŭ, RNBA daručyła dziaržaŭnaj słužbie pa etnapalitycy i svabodzie sumleńnia pravieści relihijaznaŭčuju ekśpiertyzu statuta ab kiravańni Ukrainskaj pravasłaŭnaj carkvoj (UPC) «na najaŭnaść carkoŭna-kananičnaj suviazi z Maskoŭskim patryjarchatam».
Taksama Rada biaśpieki daručyła pravieryć, nakolki zakonna relihijnyja arhanizacyi vykarystoŭvajuć majomaść, što znachodzicca na terytoryi Kijeva-Piačerskaj łaŭry.
U apošnija dni Słužba biaśpieki Ukrainy pravodzić vobšuki ŭ manastyrach UPC MP pa ŭsioj Ukrainie.
