Jak ciapier vyhladaje skulptura Dzievy Maryi z demantavanaha fasada Ziembinskaha kaścioła FOTA
Fota demantavanaj skulptury apublikavaŭ telehram-kanał «Spadčyna». Jak vyhladaje, cełaj jaje zachavać nie ŭdałosia.
400-hadovy kaścioł u Ziembinie sa skulpturaj Božaj Maci na frantonie — adzin z apošnich abjektaŭ baroka, pabudavanych na terytoryi Biełarusi. Śpiecyjalisty ličać, što budynak byŭ uźviedzieny ordenam daminikancaŭ u pačatku XVII stahodździa. Pieršapačatkova pabudova była draŭlanaj i ŭ joj žyli daminikanskija manachi. Kali ž u pačatku XVIII stahodździa chram zhareŭ, to jaho pabudavali nanoŭ užo cahlanym.
Kaścioł dziejničaŭ da 1932 hoda, paśla čaho jaho zakryli savieckija ŭłady. Z tych časoŭ budynak nie vykarystoŭvaŭsia. U 2010 hodzie ruiny kaścioła źbiralisia źnieści barysaŭskija ŭłady, adnak tady vałanciory praduchilili znos. Ale nijakich mier pa praduchileńni dalejšaha razbureńnia nie rabiłasia.
Viasnoj 2022 hoda častka fasada kaścioła abrynułasia i jon staŭ ujaŭlać realnuju niebiaśpieku. U vyniku jaho vyrašyli prosta razabrać. Spačatku išła havorka navat pra toje, što budynak raźbiaruć całkam, ale, zdajecca, abmiažujucca tolki fasadam.
Adzinaje, što było adrazu vyrašana zachavać — skulpturu Dzievy Maryi. Padčas demantažu kaścioła jaje časova źmiaścili ŭ muziej. Ale, jak vyhladaje, nie całkam, a kavałkami.
Tak vyhladała skulptura na fasadzie raniej
Čytajcie taksama:
Kaścioł u Ziembinie pačali znosić
Raźbiaruć pa cahlincy. Vyrašany los staražytnaha kaścioła ŭ Ziembinie
Paśla abrušeńnia ściany kaścioła ŭ Ziembinie na darozie pobač ź im pierakryli ruch. Što budzie dalej sa śviatyniaj
