Niamiecka-savieckaja vajna pačałasia na 45 chvilin raniej, čym mierkavałasia
Z archiŭnych dakumientaŭ vynikaje, što Hiermanija napała na Saviecki Sajuz u 3:15 ranicy — na 45 chvilin raniej, čym pryniata było ličyć u savieckaj histaryjahrafii. Pra heta raspavioŭ kiraŭnik Rasarchiva Andrej Arcizaŭ, piša Kommersant.
Siońnia, 29 listapada, adkryłasia historyka-dakumientalnaja vystaŭka «Vialikaja Ajčynnaja vajna. 22 červienia 1941 — 19 listapada 1942», jakuju naviedaŭ spadar Arcizaŭ. U ekspazicyi pakazana kala 400 dakumientaŭ z roznych archivaŭ, u tym liku i Biełarusi.
«Vajna pačałasia — zaŭsiody ŭ savieckaj histaryjahrafii (havaryłasia) — u čatyry hadziny ranicy. Voś tut dakumienty pakazvajuć, što ŭ 3 hadziny 15 chvilin pačałasia bambiožka savieckich haradoŭ — na samaj spravie jana pačałasia na 45 chvilin raniej»,— zajaviŭ Andrej Arcizaŭ.
