Čamu pry pieravodach z-za miažy «źjadajucca» hrošy
U telehram-bot vydańnia Myfin.by napisała čytačka, jakaja paskardziłasia na surjoznuju roźnicu ŭ kursie pry atrymańni hrošaj z Rasii. Dziaŭčyna raskazała, što joj pieraviali na kartu 1000 rasijskich rubloŭ i jana raźličvała atrymać u ekvivalencie jak minimum 40 biełaruskich rubloŭ. Ale na rachunku ŭbačyła tolki 26 rubloŭ. Jak takoje mahło adbycca?
Pytańnie Myfin.by adrasavała śpiecyjalistam adnaho ź biełaruskich bankaŭ. U jaho kantakt-centry paviedamili, što ŭ hetym hodzie niekatoryja banki padniali pamier kamisii za pieravod srodkaŭ z-za miažy na biełaruskija karty.
Naprykład, z 4 lipienia 2022 hoda kamisija za pieravod z zamiežnaha «płastyka» na karty, emitavanyja Biełarusbankam, składaje 15%. Hetuju infarmacyju lepš zahadzia ŭdakładniać u banku.
Taksama važna pamiatać, što kurs, pa jakim zaličvajucca hrošy, vyznačajecca apłatnaj sistemaj Rasijskaj Fiederacyi, jakaja vykarystoŭvałasia pry vykanańni tranzakcyi. Ale jość niuans: kali ŭ dzień adpraŭki hrošaj kurs rasijskaha rubla ŭ dačynieńni da biełaruskaha mianiaŭsia, to ŭžo paśla zaličeńnia srodkaŭ na kartu pravodzicca pieraraźlik.
«My rekamiendujem vam pravieryć rachunak. Mahčyma, kursavaja roźnica budzie naličanaja praź niekalki dzion», — paraili śpiecyjalisty.
