Bieraściejca asudzili na try hady kałonii za adno słova pra Łukašenku i sfatahrafavany biuleteń
U Bresckim abłasnym sudzie 21 listapada asudzili Siarhieja Nikiciuka pavodle č. 1 art. 368 (abraza Łukašenki) i č. 1 art. 361-4 (sadziejničańnie ekstremisckaj dziejnaści). Sudździa Dźmitryj Kuroŭski pryznačyŭ jamu try hady pazbaŭleńnia voli ŭ kałonii va ŭmovach ahulnaha režymu. Z boku dziaržabvinavačańnia vystupaŭ prakuror Alaksandr Baciuška, paviedamlaje «Viasna».
Paviedamlajecca, što mužčyna ŭ sacsietcy «Ukantakcie» pakinuŭ kamientar «Triepło» u adras Łukašenki. Sud paličyŭ hety kamientar publičnaj abrazaj.
Taksama mužčyna 27 lutaha dasłaŭ u telehram-bot redakcyi NEXTA fota biuletenia dla hałasavańnia na refierendumie ab uniasieńni źmienaŭ u Kanstytucyju Biełarusi. Abvinavačańnie kvalifikavała heta jak sadziejničańnie ekstremisckaj dziejnaści.
