Hubiernatar Respubliki Komi raspavioŭ, jak šeść razoŭ uchilaŭsia ad HIMARS
Kiraŭnik rasijskaha rehijona Uładzimir Ujba zajaviŭ, što ledź nie zahinuŭ padčas kamandziroŭki na Danbas, kudy jon dastaŭlaŭ hruzy dla vajskoŭcaŭ.
Pa słovach hubiernatara, padčas prajezdu jaho kałony ŭ Kramiannoj pa joj nibyta vioŭsia ahoń z HIMARS. Cełych šeść razoŭ jamu ŭdałosia uchilicca i nie trapić pad udar.
«I voś pa našaj kałonie šeść razoŭ chajmarsami nakładvali… Bili, tamu što my cel takaja, pryhožaja», — dadaŭ čynoŭnik.
Taksama jon nazvaŭ pravakacyjaj infarmacyju pra kiepskaje zabieśpiačeńnie vajskoŭcaŭ.
«Jany nie hołyja, nie razutyja, ni na jakoj ziamli chałodnaj nie śpiać. Na svaje vočy ja pahladzieŭ hetyja blindažy. Zrazumieła, što heta piaredni kraj, nijakich haścinic tam być nie moža <…> … staić buržujka, pieč <…> Kab bolš, kali łaska, vy kali… Heta pravakacyja čystaj vady», — zajaviŭ Ujba.
