U Siańnie za biudžetnyja hrošy chočuć kupić «załaty» telefon
Sieńnienski rajonny centr pa zabieśpiačeńni dziejnaści biudžetnych arhanizacyj pravodzić zakupku z adnoj krynicy telefonnaha aparata z vyznačalnikam numara z aryjencirovačnaj canoj 2 887 rubloŭ 15 kapiejek, zaŭvažyli «Narodnyja naviny Viciebska».
Nijakich techničnych patrabavańniaŭ da hetaha telefona ŭ dakumientacyi zakupki nie paznačajecca, adnak košt jaho vyklikaje ździŭleńnie, bo ŭvohule cana takich aparataŭ pačynajecca ź piacidziesiaci rubloŭ i redka pieravyšaje paru-trojku sotniaŭ.
Dla kaho centr pa zabieśpiačeńni dziejnaści biudžetnych arhanizacyj pravodzić hetuju zakupku, nieviadoma, ale jana finansujecca za košt biudžetnych srodkaŭ.
Telehram-kanał «Biełaruś za MKADam» pravioŭ manitorynh cenaŭ i znajšoŭ samy darahi telefon z takimi charaktarystykami ŭ Biełarusi za 1 587 rubloŭ.
