Na rovary miažu ciapier pierajedzieš nie zaŭsiody
Dziaržpahrankamitet patłumačyŭ, ci možna zimoj pierasiakać miažu na rovarach. Rabić heta možna, ale nie pry lubym nadvorji: zhodna z praviłami darožnaha ruchu, u śniehapad abo hałalodzicu pryjdziecca šukać inšy transpart.
Fota ilustracyjnaje
PDR zabaraniajuć ravarystam ruchacca pa prajeznaj častcy darohi i abočynie va ŭmovach śniehapadu abo hałalodzicy (p.p. 153.4 p. 153 hł. 20). Hetyja abmiežavańni raspaŭsiudžvajucca i na punkty propusku praź dziaržaŭnuju miažu Respubliki Biełaruś, patłumačyli ŭ viedamstvie.
Pry hetym ab poŭnaj zabaronie na pierasiačeńnie miažy na rovary havorka nie idzie — u adroźnieńnie ad «srodkaŭ piersanalnaj mabilnaści», heta značyć elektrasamakataŭ i siehviejeŭ.
Z 27 kastryčnika biełaruski Dziaržpahrankamitet zabaraniŭ pierasiakać miažu ŭ aŭtadarožnych punktach propusku na elektrasamakatach, siehviejach, hiraskutarach i padobnych pryładach, jakija nie źjaŭlajucca transpartnymi srodkami, a ich uładalniki pryraŭnoŭvajucca da piešachodaŭ. Što tyčycca rovaraŭ, to na ich možna pierasiačy miažu biez čerhaŭ u dzieviaci punktach.
