Sumiesnaje fota Ranałdu i Miesi za šachmatnaj doškaj stała histaryčnym: jaki ŭ im schavany sens i što heta za partyja

Heta rekłamny zdymak doma mody Louis Vuitton. Na fota futbalisty hulajuć u šachmaty.

Praŭda, fatahrafii byli zrobleny ŭ rozny čas, a potym futbalistaŭ abjadnali na adnym kadry z dapamohaj mantažu.

Pryz najlepšamu markietołahu śvietu pavinien pajechać u ofis LV: za vielmi karotki čas kadr pačaŭ pretendavać na status adnaho z najvažniejšych fota ŭ historyi sportu. Jon atrymaŭ miljony łajkaŭ i ŭžo staŭ adnym z rekordnych u Instagram: treciaje miesca ŭ historyi sacsietki sa staronki Ronałdu i dziaviataje — sa staronki Miesi.

I heta jašče, vidavočna, nie kaniec.

Karystalniki tvitara pakapalisia ŭ historyi i znajšli schavany sens hetaj fatahrafii

Čamadan LV sa zdymka byŭ častkaj čempijanatu śvietu pa futbole 2018 hoda, u im zachoŭvaŭsia i byŭ pradstaŭleny trafiej padčas adkryćcia i finału. Mienavita hety čamadan znachodzicca prosta pad doškaj.

Usie razumiejuć, jaki finał budzie sapraŭdnym upryhožańniem turniru ŭ Katary.

Na došcy — realnaja šachmatnaja partyja pamiž Karłsenam i Nakamuraj.

Adzin z karystalnikaŭ fejsbuka napisaŭ nastupnaje:

«Jaŭnaja pieravaha ŭ biełych Ranałdu. Jon pavinien hetuju partyju vyjhrać u Miesi (+1 vialikaja fihura i 1 pieška), i piešačnaja struktura lepšaja ŭ biełych. Miesi, zdavajsia!» — zaŭvažyŭ Jaŭhien.

Usio akazałasia jašče bolš cikavym. Viadomy šachmatyst i trenier Mahnusa Karłsena Pieter Chiejne Nilsen adznačyŭ, što na došcy znachodzicca partyja, jakaja była zhulanaja pamiž Mahnusam Karłsenam i Chikaru Nakamuraj u 2017 hodzie i skončyłasia ŭničyju.

Hetkaja mietafara pra toje, što hetyja dvoje znachodziacca ŭ pastajannaj baraćbie i nikoli nie zmohuć vyznačyć, chto bolš mocny.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

73

5

1

2

2

1