Kim Čen Yn pryjšoŭ na zapusk balistyčnaj rakiety z dačkoj i žonkaj FOTY
Lidar KNDR Kim Čen Yn pryjšoŭ na čarhovy pusk mižkantynientalnaj balistyčnaj rakiety «Chvason-17» z žonkaj i dačkoj, jakaja ŭpieršyniu źjaviłasia na publicy, piša TASS.
«Usie čynoŭniki i navukoŭcy abaronnaha siektara, a taksama vajskoŭcy padraździaleńniaŭ stratehičnych jadziernych sił prademanstravali absalutnuju pašanu i addanaść Kim Čen Ynu, jaki prybyŭ na miesca histaryčnaha vyprabavańnia stratehičnaj zbroi razam sa svajoj lubimaj dačkoj i žonkaj, kab asabista kiravać pracesam», — havorycca ŭ aficyjnym paviedamleńni.
Tym časam novaja mižkantynientalnaja balistyčnaja rakieta Paŭnočnaj Karei moža dalacieć da terytoryi ZŠA.
Sa słoŭ ministra abarony Japonii Jasukadzu Chamady, trajektoryja palotu hetaj balistyčnaj rakiety i inšyja raźliki pakazvajuć, što pry peŭnaj vazie bojehałoŭki jana moža mieć radyus dziejańnia da 15 tysiač km. Kali heta tak, padkreśliŭ ministr, to terytoryja ZŠA budzie ŭ zonie jaje palotu.
