Prajekciroŭščyki raskazali, jak budzie iści budaŭnictva treciaha ŭčastka «zialonaj» linii mietro
Prajekciroŭščyki «Minskinžprajekta» zaviaršyli raspracoŭku inžyniernaj padrychtoŭki treciaha ŭčastka zialonaj vietki mietro ad vulicy Mielnikajte da płoščy Banhałor. Pa raspracavanaj dakumientacyi atrymana stanoŭčaje zaklučeńnie ekśpiertyzy.
Viadoma, što čatyry stancyi, raźmieščanyja na adrezku, bolšym za 4 km, buduć uzvodzicca adkrytym sposabam: «Prafsajuznaja» (skryžavańnie praśpiekta Pieramožcaŭ — vuł. Mielnikajte), «Piarespa» (vuł. Krapotkina — pr. Mašerava), «Kamaroŭskaja» (vuł. Viery Charužaj — vuł. Maksima Bahdanoviča), «Park Družby narodaŭ» (płošča Banhałor).
Tunelny miechanizavany kompleks «Alesia» pieršym tunelem pojdzie ŭ bok «Prafsajuznaj». Da hetaj padziei ŭsie inžyniernyja sietki na šlachu jaho ruchu buduć pierakładzienyja. A praca heta vialikaja: usio ž taki centr horada. Tak, ad vulicy Kulman da vulicy Niakrasava prachodziać try kalektary dyjamietram ad 500 da 1500 mm i dziasiatki inšych kamunikacyj.