Rasija adterminavała vypłatu 1,4 miljarda dalaraŭ doŭhu Biełarusi
Dziaržduma RF ratyfikavała pahadnieńnie i pratakoł pamiž uradam RF i ŭradam Biełarusi ab źmienie ŭmoŭ kredytaŭ, padpisanych u Maskvie 14 sakavika 2022 hoda. Dakumienty praduhledžvajuć źmieny ŭ absłuhoŭvańni zapazyčanaści Biełarusi: pieranos płaciažoŭ pa kredytach i źmianieńnie staŭki, paviedamlaje TASS.
Jak paviedamiŭ namieśnik kiraŭnika Minfina RF Cimur Maksimaŭ, u pačatku 2022 hoda biełaruski bok źviarnuŭsia z prośbaj ab refinansavańni abo restrukturyzacyi zapazyčanaści ŭ suviazi «ź niaprostaj finansavaj situacyjaj».
Padpisanaje pahadnieńnie ŭnosić źmieny ŭ cełuju sieryju mižuradavych pahadnieńniaŭ pamiž RF i Biełaruśsiu: u pryvatnaści pieranos płaciažoŭ u pahašeńnie absłuhoŭvańnia zapazyčanaści pa ŭsich dziaržkredytach z sakavika 2022 pa krasavik 2023 hoda ŭ ahulnaj sumie 1,4 młrd dalaraŭ.
«Hetyja płaciažy pieranosiacca na pieryjad z 2028 pa 2033 hod», — skazaŭ Maksimaŭ.
