Piekin niezadavoleny biezadkaznaj jadziernaj rytorykaj Maskvy
Padčas samitu Asacyjacyi krain Uschodniaj Azii ŭ Kambodžy premjer-ministr Kitaja Li Kecian padkreśliŭ biezadkaznaść pahroz prymianieńnia jadziernaj zbroi, daŭšy zrazumieć, što Piekin niezadavoleny jadziernaj rytorykaj svajho stratehičnaha partniora, piša Bi-bi-si.
Jak paviedamiŭ vysokapastaŭleny pradstaŭnik administracyi ZŠA, kitajski premjer havaryŭ davoli padrabiazna pra palityku Kitaja ŭ dačynieńni da Ukrainy.
«Li Kecian zrabiŭ vyrazny akcent na suvierenitecie, na biezadkaznaści jadziernych pahroz, nieabchodnaści zabieśpiačeńnia taho, kab jadziernaja zbroja nie vykarystoŭvałasia tak, jak namiakali niekatoryja», — raspavioŭ na ŭmovach ananimnaści amierykanski čynoŭnik.
Zachad abvinavačvaŭ Rasiju ŭ biezadkaznych zajavach ab mahčymym prymianieńni jadziernaj zbroi z momantu jaje lutaŭskaha ŭvarvańnia va Ukrainu.
Maskva, u svaju čarhu, abvinavaciła Zachad u «pravakacyjnaj jadziernaj rytorycy».
Aficyjny pradstaŭnik ZŠA skazaŭ, što «ŭ Piekinie niesumnienna byŭ niekatory dyskamfort z nahody taho, što my bačyli ŭ płanie biezrazvažnaj rytoryki i aktyŭnaści z boku Rasii», niahledziačy na toje, što farmalna Maskva źjaŭlajecca partnioram Kitaja.
«Ja dumaju, taksama biassprečna, što Kitaj, vierahodna, adnačasova ździŭleny i navat trochi źbiantežany chodam rasijskaj vajennaj apieracyi», — skazaŭ čynoŭnik.
U paniadziełak u ramkach Uschodnieazijackaha samitu projdzie sustreča prezidenta ZŠA Džo Bajdena z kitajskim lidaram Si Czińpinam.
Rasijskuju delehacyju na samicie ŭznačalvaje ministr zamiežnych spraŭ Siarhiej Łaŭroŭ.