Palitźniavolenaja Valeryja Čarnamorcava: Hanarova siadzieć tam, dzie siadzieŭ Jakub Kołas
Valeryja Čarnamorcava — hramadskaja dziajačka, daśledčyca, ekskursavodka. Jaje zatrymali 18 kastryčnika paśla pieratrusu ŭ kvatery. Žančynu vinavaciać va ŭdziele ŭ akcyjach pratestu ŭ 2020 hodzie (art. 342 KK). Dniami jana dasłała viestačku z-za krataŭ, paviedamlaje «Viasna».
«U mianie ŭsio bolš-mienš narmalna, trochu zachvareła, ale trymajusia. U dobraj kampanii pobyt pastupova naładžvajecca. Dośvied niepryjemny, ale vielmi cikavy. Napeŭna, kali ŭsio vytrymaju, pa vynikach nie paškaduju, što prajšła hety šlach, asabliva kali ŭličyć moj papiaredni dośvied zboru ŭspaminaŭ vusnaj historyi.
Tut, u Piščałaŭskim zamku, u roznyja časy byvali roznyja viadomyja ludzi. Naprykład, cełyja try hady tut pravioŭ Jakub Kołas, čyj jubilej jakraz adznačajem zaraz. Nu i ciapier takich dastatkova tut. Tak što hanarova».
Padtrymajcie Valeryju hrašovymi pieravodami, pasyłkami, telehramami i listami salidarnaści:SIZA-1, 220030, Minsk, Vaładarskaha, 2, Čarnamorcava Valeryja Viktaraŭna
