Volzie Brycikavaj dali jašče 15 sutak
Volzie Brycikavaj nakinuli novy aryšt. Hetym razam za antyvajenny malunak, za jaki jana ŭžo adbyła «sutki» ŭviesnu.
Siońnia nad staršynioj niezaležnaha prafsajuza «Naftan» Volhaj Brycikavaj adbyŭsia čarhovy sud. Jaje abvinavacili ŭ «niesankcyjanavanym pikietavańni» (art. 24.23 KaAP).
Padstavaj staŭ malunak «Nie vajnie» na jaje staroncy ŭ fejsbuku. Ale sprava ŭ tym, što Volha ŭžo adbyła aryšt za jaho niekalki miesiacaŭ tamu. Ale sudździa Zinaida Bałabołava znoŭ pryznała Volhu vinavataj i znoŭ prysudziła 15 sutak.
Volhu Brycikavu zatrymali 1 listapada. Jaje asudzili za «raspaŭsiud ekstremisckich materyjałaŭ» na 15 sutak. 8 listapada jana abviaściła haładoŭku.
Uviesnu Volha Brycikava adsiadzieła 75 sutak. Jaje piać razoŭ zapar aryštoŭvali na 15 sutak pa artykule 24.23.