Palitźniavolenaha viernika asudzili da 2,5 hadoŭ «chatniaj chimii»
U sudzie Maskoŭskaha rajona Minska asudzili palitźniavolenaha chryścijanina, słužyciela minskaj carkvy chryścijan viery jevanhielskaj «Hiefsimanija» Maksima Stasileviča. Jaho abvinavacili pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak) i pryznačyli dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»), piša «Viasna».
Prysud vyniesła sudździa Taćciana Pirožnikava. Paśla troch miesiacaŭ u SIZA Maksim vyjšaŭ na volu.
Zatrymali minčuka ranicaj 21 lipienia razam ź jahonym švahram Jaŭhienam Barysikam. Padčas zatrymańnia ŭ ich byli kanfiskavanyja pakunki ŭlotak «Malitva za Biełaruś», jakija ŭtrymlivajuć zaklik malicca za krainu i narod «u hety niaprosty čas», cytaty ź Jevanhiella i jevanhielski himn «Čakajem ciabie, naš Isus».
