U Mazyry častku vulicy Kamsamolskaj chočuć pierajmienavać u honar Fiłareta, haradžanie suprać
Mazyrski rajonny saviet deputataŭ abviaściŭ praviadzieńnie hramadskich słuchańniaŭ ab pierajmienavańni častki vulicy Kamsamolskaj. Jaje płanujuć pierajmienavać u honar Mitrapalita Fiłareta. Ale ŭ adkaz haradžanie zapuścili pietycyju «Suprać pierajmienavańnia zavułka ŭ honar Mitrapalita Fiłareta», paviedamlaje «Homiel Štodzień».
Inicyjatary pietycyi źviartajuć uvahu, što «Mitrapalit Fiłaret nie maje nijakaha dačynieńnia da Mazyra, jaho historyi, kultury, raźvićcia. Jon naradziŭsia ŭ Maskvie».
Zamiest hetaha žychary horada prapanoŭvajuć nazvać zavułak Michajłaŭskim — tak, jak jon nazyvaŭsia niekatory čas tamu.
Pierajmienavać častku vulicy Kamsamolskaj u vulicu Fiłareta prapanavała tapanimičnaja kamisija Mazyrskaha rajvykankama. Čynoŭniki ličać, što «nieabchodna ŭviekaviečyć pamiać mitrapalita za jahony šmathadovy ŭniosak u duchoŭnaje adradžeńnie biełaruskaha naroda, raźvićcio mižkanfiesijnaha dyjałohu».
Niadaŭna, darečy, Homielski haradski saviet deputataŭ pryniaŭ rašeńnie ab pierajmienavańni ŭ hetym horadzie vulicy Krapotkina. Taksama rašeńni ab ušanavańni pamiaci Fiłareta prymajucca ŭ inšych haradach — heta kampanija, jakuju zapuścili źvierchu.
Čytajcie taksama:
U Słucku chutka adkryjuć pomnik mitrapalitu Fiłaretu
Vulicu Krapotkina ŭ Homieli pierajmianujuć u vulicu Mitrapalita Fiłareta
