Čechija razhledzić mahčymaść pryznańnia KDB i HUBAZiKa terarystyčnymi arhanizacyjami
Namieśnik kiraŭnika Abjadnanaha pierachodnaha kabinieta Pavieł Łatuška pravioŭ važnyja sustrečy ŭ parłamiencie i ŭradzie Čechii, padčas jakich dasiahnuŭ ź miascovymi palitykami i čynoŭnikami niekatorych važnych damoŭlenaściaŭ.
Pavieł Łatuška padčas sustrečy z Markietaj Piekaravaj Adamavaj
Pavieł Łatuška sustreŭsia z parłamienckaj delehacyjaj Češskaj Respubliki na čale sa staršynioj Pałaty deputataŭ Parłamienta Čechii Markietaj Piekaravaj Adamavaj i pravioŭ anłajn-sustreču ź vice-premjeram Ivanam Bartašam.
Padčas sustrečy Pavieł Łatuška pieradaŭ parłamienckaj delehacyi pakiet dakumientaŭ dla pryznańnia Čechijaj KDB i HUBAZiKa terarystyčnymi arhanizacyjami, zvarot arhanizacyi «Biełaruskija studenty ŭ Čechii» ab padtrymcy represavanych studentaŭ, zvarot ab pierajmienavańni adnoj z vulic Prahi ŭ honar Ramana Bandarenki.
Markieta Piekarava Adamava paviedamiła, što paśla pryniaćcia češskaha «Akta Mahnickaha» z 2023 hoda ŭ Čechii źjavicca mahčymaść uvodzić nacyjanalnyja sankcyi suprać režymu Łukašenki.
Udzielnik parłamienckaj delehacyi, deputat Chajata Jozef Akamura vykazaŭ namier kuryravać akazańnie piersanalnaj dapamohi biełaruskim studentam u Čechii.
Vice-premjeru Ivanu Bartašu byli pieradadzienyja zvarot i jurydyčnaje abhruntavańnie dla zaviadzieńnia kryminalnych spraŭ adnosna dziejańniaŭ biełaruskich siłavikoŭ u ramkach univiersalnaj jurysdykcyi.
jakoje dačynieńnie maje Raman Bandarenka da Prahi?
nu zaraz ja prosta z pazicyi českich čynoŭnikaŭ hladžu...
u Łatuški ŭsio ŭ paradku z hałavoj? ci ŭ akružańni mazaičnaha mazaičnyja ŭsie?