Kiraŭnik i finansavy dyrektar «Majontka Padarosk» zastajucca pad vartaj
Stała viadoma, što dyrektara PTUP «Majontak Padarosk» Juryja Mielaškieviča i finansavaha dyrektara Dźmitryja Karabača zatrymali pa padazreńni ŭ niaspłacie padatkaŭ i strachavych unioskaŭ z zarobkaŭ rabotnikaŭ amal na 400 000 rubloŭ, paviedamili na aficyjnaj staroncy pradpryjemstva z paznakaj, što heta, «viadoma, poŭnaja chłuśnia».
Pałac u Padarosku. Fota: facebook.com/majontak.padarosk
Pra zatrymańni kiraŭnictva «Majontka Padarosk» stała viadoma 27 i 28 kastryčnika. Akramia Mielaškieviča i Karabača, była zatrymanaja taksama buchhałtarka Volha Bałtrukievič. Paśla 72 hadzin zatrymańnia Bałtrukievič vyjšła na volu i znachodzicca doma, pad jakuju mieru strymańnia jaje adpuścili, pakul nieviadoma.
U «Majontku Padarosk» 27 kastryčnika praviali pieratrus, padčas jakoha siłaviki zabrali dakumienty firmy i kampjutary, paviedamlaŭ uładalnik majontka Pavał Padkarytaŭ.
Taksama pa hetaj spravie ŭčora zatrymali kulturnaha mieniedžara, supracoŭnika dabračynnaha fondu «Viartańnie» Siarhieja Makareviča.
Čytajcie taksama:
Zatrymali supracoŭnika fondu «Viartańnie» Siarhieja Makareviča
