Krainy G7 damovilisia pra fiksavanuju canu na rasijskuju naftu
Krainy G7 i Aŭstralija damovilisia ŭstanavić fiksavanuju canu na rasijskuju naftu, jaje buduć pierahladać «pa miery nieabchodnaści», piša RBK.
Krainy G7 (Vialikabrytanija, Hiermanija, Italija, Kanada, Francyja, Japonija i ZŠA) i Aŭstralija damovilisia ŭstalavać fiksavanuju canu na rasijskuju naftu, paviedamlaje Reuters sa spasyłkaj na krynicy.
«Kaalicyja [krainy G7 i Aŭstralija] pahadziłasia, što cenavaja stol budzie fiksavanaj canoj i budzie rehularna pierahladacca, a nie źnižkaj da indeksa [cenaŭ]», — skazaŭ adzin z surazmoŭcaŭ. Pavodle jaho słoŭ, heta dazvolić «pavysić stabilnaść rynku i spraścić zachavańnie [abmiežavańniaŭ], kab minimizavać nahruzku na ŭdzielnikaŭ rynku».
Pa słovach niekalkich krynic, cana pakul nie ŭstanoŭlena, jaje pavinny zaćvierdzić u najbližejšyja tydni.
«Vialikaja siamiorka» i Aŭstralija damovilisia rehularna pierahladać fiksavanuju canu «pa miery nieabchodnaści», — skazaŭ adzin z surazmoŭcaŭ. Pry hetym jon adznačyŭ, što pryviazka cany jak dyskontu da jakoha-niebudź indeksa pryviała b da zanadta vialikaj vałacilnaści i mahčymaha vahańnia cen. «Kaalicyja aścierahajecca, što płavajučaja cana, pryviazanaja da ŭzroŭniu, nižejšaha za etałon Brent, moža dazvolić Rasii abyści abmiežavańni, skaraciŭšy prapanovu», — rastłumačyła inšaja krynica.
Pieršapačatkova abmiarkoŭvałasia ŭstalavańnie limitavaj cany na rasijskuju naftu ŭ dyjapazonie $40-60 za baral, adnak paźniej kiraŭnik Minfina ZŠA Džanet Jielen prapanavała abmiežavać jaje da $60.
