Adna z zatrymanych supracoŭnic «Majontka Padarosk» vyjšła na svabodu
Paśla 72 hadzin zatrymańnia na volu vyjšła buchhałtar arhanizacyi «Majontak Padarosk» Volha Bałtrukievič. Zatrymanyja Dźmitryj Karabač i kiraŭnik Juryj Mielaškievič znachodziacca ŭ hrodzienskim izalatary.
Spravaj zajmajecca Śledčy kamitet, raspavioŭ Hrodna.life Pavieł Padkarytaŭ.
Volha znachodzicca doma. Pakul nieviadoma, pad jakuju mieru strymańnia jaje adpuścili — chatni aryšt ci padpisku ab niavyjeździe. Razam ź joj praviali pieratrusy ŭ ofisach pradpryjemstva.
Mužčynam praciahnuli aryšt na 10 sutak. Vierahodna, u piatnicu 4 listapada im vystaviać abvinavačvańnie.
Raniej vykazvałasia mierkavańnie, što raspačali kryminalnuju spravu pa art. 243 KK «Uchileńnie ad vypłaty padatkaŭ».
Ab zatrymańni troch supracoŭnikaŭ «Majontka Padarosk» stała viadoma 27 kastryčnika. Na pradpryjemstvie zabrali dakumienty firmy i kampjutary.
