Pavietranyja siły Ukrainy: Rasija płanuje raźmiaścić iranskija rakiety «na poŭnač ad Ukrainy», suprać ich u nas niama abarony
Balistyčnyja rakiety, jakija Rasija płanuje nabyć u Irana, vierahodna, raźmieściać na paŭnočnaj miažy Ukrainy. Pra heta na bryfinhu zajaviŭ pres-sakratar Pavietranych sił Ukrainy Juryj Ihnat.
«My budziem prymać usie srodki abarony ad hetych rakiet. Vierahodna, jany buduć dastaŭlenyja na poŭnač ad Ukrainy, adkul jany mohuć zapuskacca tak, kab pahražać usioj Ukrainie. 300 km adna rakieta, inšaja — 700 km pa dalokaści. Heta balistyčnyja rakiety. Suprać hetych rakietaŭ my nie majem efiektyŭnaj abarony.
Źbivać ich tearetyčna možna, ale faktyčna heta vielmi ciažka zrabić tymi srodkami, jakija my majem na ŭzbrajeńni. U nas jość srodki supraćpavietranaj abarony, a nie supraćrakietnaj abarony», — zajaviŭ Ihnat.
Pavodle jahonych słoŭ, rasijanie chočuć nabyć u Irana balistyčnyja rakiety typu «Iskander-M», jakija ŭ Rasii zakančvajucca.
Ukrainskija pavietranyja siły nie mohuć źbivać balistyčnyja apieratyŭna-taktyčnyja rakiety «Iskander», zvyšhukavyja «Oniks», hipierhukavyja «Kinžał».
