U Vilni adnavili pomnik Francišku Alachnoviču FOTAFAKT
Hrošy na jaho adnaŭleńnie źbirali tałakoj.
Francišak Alachnovič — adzin z pačynalnikaŭ biełaruskaha prafiesijnaha teatra, viazień HUŁAHa, žachi jakoha pieršy ŭ historyi apisaŭ u svajoj aŭtabijahrafičnaj knizie «U kapciuroch HPU». Byŭ zabity ŭ 1944 hodzie i pachavany na Kalvinisckich mohiłkach u Vilni, jakija za savieckim časam byli likvidavanyja.
U 1989 hodzie na mohiłkach Rosy źjaviłasia simvaličnaja mahiła Alachnoviča i časovaja, zroblenaja z płastyku, madel pomnika aŭtarstva skulptara Eduarda Padbiareskaha.
Z časam jana sapsavałasia i jaje prybrali, pakinuŭšy zamiest draŭlany kryž. Hrošy na adnaŭleńnie pomnika źbirali tałakoj.
Napiaredadni Dziadoŭ na mahile Alachnoviča źjaviŭsia novy pomnik. Pra heta paviedamiŭ aktyvist i biznesoviec Kiryła Atamančyk.
Voś jak jon vyhladaje. Renavacyju zrabiŭ litoŭski skulptar Aidas Rycis Vasilaŭskas.
Znakamitaja knižka. Rańšie Archipiełaha hułah napisannaja i izdannaja.