Rasijan rychtujuć da čarhovaha «žesta dobraj voli»?
Adrazu niekalki rasijskich «vajenkaraŭ» i frantavych błohieraŭ adzin za adnym dzielacca «tryvožnymi» nazirańniami, ź jakich možna mierkavać, što ŭ Kramli moža razhladacca rašeńnie ab pakidańni Chiersona.
Ukrainskija vajskoŭcy ahladajuć rasijskija akopy na advajavanych ziemlach Chiersonščyny. 12 kastryčnika 2022 hoda. Fota: AP Photo/Leo Correa
«U najbližejšy čas, imavierna, budzie zroblenaja važnaja zajava pa stanoviščy na Paŭdniovym froncie», — napisaŭ infarmavany rasijski prapahandyst wargonzo.
«Kali infarmacyja pra niejkuju novuju «pierahrupoŭku», jakaja hłucha danosicca z Msk, adpaviadaje rečaisnaści, mnie prosta cikava, jak heta padaduć», — piša błohier Anatol Šaryj.
«Bližejšyja dni situacyja moža mianiacca, u tym liku ŭ horšy bok. I naviny buduć adpaviednyja», — piša frantavy błohier «Trynaccaty», rasijski nacyjanalist, jaki vajuje pad Chiersonam.
Ën dadaje: «I ŭsio heta ja zrazumieŭ, jašče kali dva tydni tamu stul vyvozili dziaciej u Rasiju. U sanatoryi i h.d. Tam usie pra ŭsio ŭ kursie byli i da hetaha išło. Linii abarony na miažy z Krymam rychtavali jašče paŭtara miesiaca tamu. Da hetaha daviali papiarednija kiraŭniki, jakija dazvolili pierabić usio zabieśpiačeńnie hrupoŭki. Heta vynik biestałkovaha kamandavańnia», — vinavacić jon byłoje kamandavańnie.
