Alaksiej Daniłaŭ: My ŭličvajem, što jość biełaruski narod, jaki nie maje nijakaha žadańnia vajavać z nami
Rasija faktyčna akupavała Biełaruś, ale biełaruski narod nie choča vajavać suprać Ukrainy. Pra heta skazaŭ sakratar ukrainskaj Rady nacyjanalnaj biaśpieki i abarony Alaksiej Daniłaŭ u intervju estonskaj ERR.
Alaksiej Daniłaŭ
«Davajcie ščyra skažam, što Biełaruś akupavanaja Rasijskaj Fiederacyjaj, pryčym akupavanaja davoli daŭno — u ekanamičnym, palityčnym i inšych sensach», — skazaŭ Daniłaŭ.
Jon dadaŭ, što ciapier Rasija vykarystoŭvaje Biełaruś dla svaich vajskovych metaŭ.
«My adsočvajem usie hetyja pracesy. Ale my ŭličvajem, što jość biełaruski narod, jaki nie maje nijakaha žadańnia vajavać z nami, pra heta viadoma nie tolki nam, ale i ŭsim astatnim, uklučajučy Pucina», — zajaviŭ sakratar RNBA.
Jon padkreśliŭ, što Ukraina ŭvažliva sočyć za tym, jak Rasija vykarystoŭvaje terytoryju Biełarusi.
«My vielmi ŭvažliva sočym za tym, jak jany buduć vykarystoŭvać biełaruskuju terytoryju, i ŭ vypadku nieabchodnaści nami buduć pryniatyja ŭsie nieabchodnyja rašeńni, u tym liku vajennaha charaktaru», — adznačyŭ Daniłaŭ.
Jon padkreśliŭ, što Ukraina nie napadała i nie źbirajecca napadać na Biełaruś, a abaraniajecca.
«Biełaruski narod dla nas — družalubny narod, u adroźnieńnie ad niekatorych palityčnych dziejačaŭ», — reziumavaŭ sakratar RNBA.
