U Biełaruś prylacieli rasijskija samaloty, zdolnyja nieści rakiety «Kinžał»
Siońnia minčuki ŭ niebie nad horadam nazirali šmatlikija paloty źniščalnikaŭ. Minabarony Biełarusi rastłumačyła, što heta było.
Fota: Biełaruski hajun.
Jak paviedamlaje viedamstva, u Biełaruś z Rasii pačaŭ prybyvać avijacyjny składnik rehijanalnaj hrupiroŭki vojskaŭ.
Manitorynhavaja hrupa «Biełaruski hajun» paviedamiła, što ŭ niebie nad Minskam byli zaŭvažanyja źniščalniki MiH-31 biez padviesu i rakiet.
Hetyja samaloty mohuć zapuskać hipierhukavyja rakiety «Kinžał».
Śćviardžajecca, što ŭsiaho ŭ Biełaruś prybuduć kala 9 tysiač rasijskich vajskoŭcaŭ. Adnak hetuju ličbu pakul niemahčyma pravieryć. Raniej biełaruskija siłavyja struktury časta raspaŭsiudžvali zaviedama chłuślivuju infarmacyju. Tak, uzimku 2022 hoda Alaksandr Łukašenka i biełaruskija siłaviki zajaŭlali, što rasijskija vajskoŭcy prybyli ŭ Biełaruś dla vučeńniaŭ, tady jak 24 lutaha tyja ŭvarvalisia va Ukrainu, u tym liku z terytoryi Biełarusi, što stała pačatkam samaj maštabnaj vajny ŭ Jeŭropie paśla Druhoj suśvietnaj. Dziasiatki tysiač ludziej, u tym liku mirnych žycharoŭ, zahinuli, a Biełaruś razam z Rasijaj apynułasia ŭ mižnarodnaj izalacyi.
što jany zadumali?
eto na kakich žie? nu-ka nu-ka... antiresna)