Ceny na nieruchomaść: rost pa krainie, źnižeńnie — u Minsku
Dobryja naviny dla tych, chto choča nabyć žyllo ŭ Minsku: ceny ŭ stalicy stabilna źmianšalisia na praciahu ŭsiaho hoda. Praŭda, paśla pačatku vajny va Ukrainie ekśpierty prahnazavali padzieńnie koštaŭ na 10-15%, a ŭ realnaści jany ŭpali na 8,6%, paviedamlaje kufar.by.
I pakul nie bačna, kab tendencyja źmianiłasia. Minimalny rost naziraŭsia tolki ŭ sakaviku i krasaviku, a astatnija miesiacy cana mietra ŭ Minsku stabilna źnižałasia.
Va ŭsich astatnich bujnych haradach krainy nieruchomaść rasła ŭ canie. Najbolš istotna — u Homieli (8,1%) i Hrodnie (5,8%). Darečy, tut prahnozy ekśpiertaŭ taksama nie spraŭdziŭsia.
«Kufar» praanalizavaŭ, jak źmianilisia ceny na nieruchomaść u rehijonach u cełym. U Minskaj vobłaści, dzie ŭ statystyku traplaje zapatrabavanaje žycharami stalicy žyllo ŭ tak zvanych «spadarožnikach» Minska, za hod ceny źnizilisia na 1%. Taksama krychu tańniejšaj nieruchomaść stała ŭ Viciebskaj vobłaści (-0,3%).
Va ŭsich astatnich rehijonach ceny raśli. A lidaram u hetym sensie stała Mahiloŭskaja vobłaść — plus 4,6%.
Tendencyi ŭ źmienach cen na navabudy i druhasnaje žyllo supadajuć. Pry hetym nazirajecca davoli vysoki popyt na nieruchomaść.