Nad vyzvalenym Limanam aficyjna padniali ŭkrainski ściah
Siońnia ŭ deakupavanym horadzie Liman aficyjna padniali ściah Ukrainy. Kiraŭnik Danieckaj abłasnoj vajskovaj administracyi adznačyŭ, što akupanty pakidajuć paśla siabie ruiny, ale źniščanyja harady adnoviać.
«Aficyjna padniali ŭkrainski ściah nad vyzvalenym Limanam. Kamandujučy Suchaputnych vojskaŭ USU hienierał-pałkoŭnik Alaksandr Syrski pieradaŭ ad vajskoŭcaŭ u Danieckuju abłasnuju vajskovuju administracyju paŭnamoctvy pa naładžvańni dalejšaha žyćcia ŭ vyzvalenych nasielenych punktach», — napisaŭ kiraŭnik Danieckaj AVA Pavieł Kirylenka.
Ciapier u Limanie pačynajuć z naładžvańnia łahistyki, zavozu humanitarnaj dapamohi, vydačy piensij. Kirylenka zaznačyŭ, što žycharam, jakija evakujavalisia, viartacca ŭ vyzvalenyja nasielenyja punkty jašče rana.Jon rastłumačyŭ heta tym, što ciapier idzie maštabnaja rabota pa raźminiravańni, a napieradzie niaprostaja zima, pieražyć jakuju budzie vielmi ciažka.
