Surjoznaja avaryja zdaryłasia na R1: aŭtobus u kiuviecie, 15 čałaviek paciarpieli
Značnaja avaryja zdaryłasia siońnia rankam na trasie R1 z udziełam, jak bačna na videa, pahruzčyka, aŭtobusa i lehkavoha aŭtamabila. Paciarpieli 15 čałaviek.
Pa papiaredniaj infarmacyi, kiroŭca aŭtobusa Ecolines, ruchajučysia pa siaredniaj pałasie pry pierastrajeńni sutyknuŭsia z pahruzčykam.
Aŭtobus apynuŭsia ŭ kiuviecie i pierakuliŭsia na bok, pahruzčyk pieraviarnuŭsia prosta pasiarod prajeznaj častki, mocna paškodžany zzadu lehkavik zastaŭsia na abočynie.
Pavodle infarmacyi śpiecyjalistaŭ chutkaj miedycynskaj dapamohi, jakija pracavali na miescy avaryi, paciarpieli 15 čałaviek, ź ich 7 špitalizavanyja: 6 u ciažkim i siarednie ciažkim stanie. Paciarpiełyja špitalizavanyja ŭ balnicy Minska. Jašče 8 pacyjentam akazanaja miedycynskaja dapamoha na miescy. Praciahvajecca ahlad pacyjentaŭ.
