MNS papiaredžvaje pra mocny viecier
U aŭtorak na bolšaj častcy terytoryi Hrodzienskaj i Bresckaj abłaściej čakajecca viecier paryvami da 15-20 m/s, havorycca ŭ Telegram-kanale MNS.
Ratavalniki papiaredžvajuć, što pry takim vietry pavialičvajecca ryzyka parušeńnia elektrazabieśpiačeńnia, padzieńnia dreŭ, mohuć abrynucca słaba ŭmacavanyja kanstrukcyi, abarvacca linii suviazi i elektrapieradačy, być paškodžanyja dachi zbudavańniaŭ.
Pa prahnozach sinoptykaŭ, siońnia budzie vobłačna, dniom z prajaśnieńniami. Na bolšaj častcy terytoryi krainy projduć daždžy. Miescami mahčymy słaby tuman. Pa zachodniaj častcy krainy paryvy vietru buduć dasiahać 15-20 m/s. Tempieratura składzie +6…+12°S, pa zachadzie pavietra prahrejecca da +15°S.
U Minsku, Viciebsku i Mahilovie słupok termomietra padnimiecca da adznaki +7…+9°C. U hetych haradach u aŭtorak budzie pieravažać vobłačnaje nadvorje, časam mahčymyja daždžy (vierahodnaść apadkaŭ bolš za 90%).
Najbolš ciopła budzie ŭ Breście i Hrodnie — dniom da +13…+15°C.
Pa prahnozach sinoptykaŭ, u sieradu miescami projduć karotkačasovyja daždžy, a ŭ čaćvier budzie pieravažna biez apadkaŭ. U načny i ranišni čas miescami zhuścicca tuman.
U najbližejšyja dni jašče paciapleje. Tempieratura pavietra dniom možna dasiahać +20°S.