Asnoŭnyja prarasijskija partyi nie prajšli ŭ parłamient Łatvii. Vybary vyjhrała partyja premjera
Siensacyjaj vybaraŭ stała toje, što hałoŭnyja prarasijskija partyi nie trapili ŭ parłamient.
Pa vynikach padliku 100% hałasoŭ na parłamienckich vybarach u Łatvii 5-pracentny barjer pieraadoleli siem partyj. Najbolšuju kolkaść hałasoŭ atrymała «Novaje adzinstva» dziejnaha premjer-ministra Kryšjanisa Karyńša z 18,97% (26 mandataŭ).
Na druhim miescy — «Sajuz «zialonych» i sialan» (12,44% — 16 mandataŭ), dalej — «Abjadnany śpis» (11,01% — 15 mandataŭ), «Nacyjanalnaje abjadnańnie» (9,29% — 13 mandataŭ), «Za stabilnaść» (6,80% — 11 mandataŭ), «Łatvija na pieršym miescy» (6,24% — 9 mandataŭ), «Prahresiŭnyja» (6,16% — 10 mandataŭ).
Siensacyjaj vybaraŭ stała toje, što hałoŭnyja prarasijskija partyi nie trapili ŭ parłamient. Partyja «Zhoda», pieramožca vybaraŭ 2018 hoda, jakuju tradycyjna padtrymlivali prarasijskija siły, nabrała tolki 4,81%. U prapucinskaha «Ruskaha sajuza Łatvii» — 3,63%.
U toj ža čas u parłamient udałosia trapić niadaŭna zasnavanaj partyi «Za stabilnaść», jakaja ŭznačalvajecca byłym aktyvistam «Zhody» Alaksiejem Roślikavym. Heta papulisckaja partyja, jakaja vystupaje za dazvoł na hałasavańnie niehramadzianam i suprać vakcynacyi ad karanavirusa.
