Znajści
Ałharytmičny łacinski varyjant
02.10.2022 / 19:013RusŁacBieł

Na Danbasie ŭkrainskija vojski padyšli da Kramiannoj, pad Kryvym Roham prabivajucca da Bierysłava

Rasijskija frantavyja błohiery charaktaryzujuć situacyju ŭ rajonie Załatoj Bałki jak krytyčnuju dla rasijan.

Mapa frontu miž Limanam, Kramiannoj i Svatavam pavodle «Rybaria» pa stanie na 2 kastryčnika

«Chiersonskaja vobłaść. Paŭnočny ŭschod. Napramak n. p. Šaŭčenkaŭka — Załataja Bałka. Situacyja krytyčnaja», — skupa paviedamlaje rasijski frantavy telehram-kanał «Dva majora».

«Na Bierysłaŭskim napramku praciŭnik praciahvaje prasoŭvańnie, uklińvajučysia ŭ naša raźmiaščeńnie. Pieradavyja padraździaleńni praciŭnika pranikli da ŭskrain siała Bialajeŭka. Siało Šaŭčenkaŭka — pad kantrolem USU. Hłybinia praryvu praciŭnika pierasiahnuła 7 kiłamietraŭ ad zychodnaj pazicyi», — piša infarmavany Ihar Hirkin (Strałkoŭ).

Udar ukrainskich vajskoŭcaŭ na Chiersonska-Kryvarožskim kirunku ŭ niadzielu paśla abiedu byŭ niečakany. Ukraincy kinuli vialikija siły braniatechniki na praryŭ frontu na pravym bierazie Dniapra. Adnačasova ataki dla adciahvańnia ŭvahi byli naniesienyja ŭ rajonie Davydavaha Brodu i Biełaj Krynicy ŭ centry i Praŭdzina na poŭdni.

Krytyčnym niekatoryja rasijskija błohiery nazyvajuć i stanovišča ŭ rajonie Kramiannoj na Danbasie. Pakul išła začystka vyzvalenaha Limana, pieradavyja ŭkrainskija vojski zamacavalisia ŭ Torskim, Ciornach i zaniali vakolicy Kramiannoj — horada, raźmieščanaha za 35 kiłamietraŭ na ŭschod ad Limana. Rasijskija vojski sprabujuć vystraić liniju abarony pa linii Kramiannaja—Svatava, ale, miarkujučy pa tonie rasijskich błohieraŭ, jany nie nadta raźličvajuć na pośpiech.

«Zaraz praciŭnik chutčej za ŭsio zasiarodzić svaje namahańni na pierarazańni kamunikacyj pa trasie z Kramiannoj u Svatava z dalejšym prasoŭvańnie na poŭnač. DRH praciŭnika ŭžo vychodziać na hetu darohu», — piša rasijski prapahandyst WarGonzo.

«Paŭstaje pytańnie ab utrymańni Kramiannoj — adnaho z klučavych punktaŭ, jakija zabiaśpiečvajuć paŭnočny fłanh abarony Lisičanska. Kramiannuju zdavać nielha ni ŭ jakim razie», — zaklikaje pałkoŭnik Hirkin.

Kramiannaja — horad, u jakim da vajny žyło 18 tysiač čałaviek. Ën staić na levym bierazie Sievierskaha Danca adrazu nad dalinaj raki. Ad jaho 30 km da Lisičanska. Kramiannuju rasijanie zaniali 18 krasavika.

Nahadajem, što 1 kastryčnika rasijskaje Minabarony pryznała stratu Limana. «U suviazi sa stvareńniem pahrozy akružeńnia sajuznyja vojski byli adviedzienyja z nasielenaha punkta Čyrvony Liman na bolš vyhadnyja rubiažy», — havorycca ŭ zajavie Maskvy.

29 vieraśnia ŭkrainskija vojski ŭziali Jampal i Staŭki, tym samym praktyčna zamknuŭšy koła akružeńnia vakoł Limana.

Liman — horad na poŭnač ad levaha bieraha Sievierskaha Danca. Da vajny ŭ im žyło kala 22 tysiač čałaviek. Rasijskija vojski zaniali jaho 29 maja, paśla bajoŭ.

Paŭnočniej ukraincy stvaryli šmatlikija płacdarmy na levym bierazie raki Askoł i nastupajuć ad Łazavoj, Kupianska dy Dvurečnaj u kirunku Baravoj i Svatava.

Svatava — rajcentr na poŭnačy Łuhanskaj vobłaści, da vajny ŭ im žyło 16 tysiač čałaviek. Rasijskija vojski akupavali horad 6 sakavika, na 11-y dzień vajny.

Vyzvaleńnie Svatava mieła b jak stratehičnyja, tak i maralnyja nastupstvy. Heta byŭ by pieršy vyzvaleny rajcentr Łuhanskaj vobłaści, jakaja na siońnia amal całkam kantralujecca rasijskimi vojskami.

U vyniku imklivaha nastupu 5—10 vieraśnia ŭkrainskaja armija vyzvaliła Bałakleju, Kupiansk, Izium i Vaŭčansk, a rasijskija złučeńni chaatyčna adstupili na levyja bierahi rek Sievierski Daniec i Askoł. U vyniku rasijanam nie ŭdałosia stvaryć nadziejnaj linii abarony pa hetych rekach, jak jany spadziavalisia, ale i ŭkrainskaja armija nie zaniała z nalotu Liman i Svatava. Bai za Liman doŭžylisia try tydni, ale razam ź jaho akružeńniem rasijskaja abarona rassypałasia i ŭkraincy prasunulisia na 30 km na poŭnač i 30 km na ŭschod, vyzvaliŭšy pad tysiaču kvadratnych kiłamietraŭ.

Bai roznaj intensiŭnaści na podstupach da hetych haradoŭ praciahvajucca ŭžo amal dva tydni.

Adnačasova rasijskija błohiery i kamandzir Alaksandr Chadakoŭski paviedamili, što rasijskija vojski pakinuli raniej zachoplenyja pazicyi ŭ Marjincy i Piaskach pad Danieckam.

U toj ža čas pad Chiersonam i Zaparožžam praciahvajucca pazicyjnyja bai, linija frontu nie mianiajecca.

Vyhladaje, što reziervy rasijskaha kamandavańnia vyčarpalisia, i spadziavacca Rasii zastajecca tolki na novych mabilizavanych. Ale i Ukraina pakul nie maje dastatkova reziervaŭ i avijacyi, kab stvarać vialikija katły, i abmiažoŭvajecca pavolnym prasoŭvańniem.

Čytajcie taksama:

Ministr abarony ZŠA: My ŭsie pavinny być natchnionyja tym, što bačym

«Techniki i ludziej u chachłoŭ prosta proćma». Ukrainskija vojski niečakana atakavali na Kryvarožskim i Chiersonskim učastkach

«Na bolš vyhadnyja rubiažy». Stała viadomaja aficyjnaja farmuloŭka Minabarony Rasii pra zdaču Limana 

Zialenski: Ukrainskija vojski całkam začyścili Liman na Danieččynie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
połk/adkazać/
02.10.2022
Słava ŭkrainskim vajaram, što baroniać svaju krainu!
1
*/adkazać/
02.10.2022
Słava Ŭkrainie! Hierojam słava! Žyvie Biełaruś!
0
*$=¥=€=£*/adkazać/
02.10.2022
Płan Voldiemara był prost do biezobrazija.okružiť Ukrainu i razdieliť jejo nadvoje.zajti čieriez odiessu i pridniestrovje.s juha . a s sieviera čieriez vołyń sojedinitsia s južnym frontom.a tam i šturm Kijeva.koniec " ukrochuntie".no vnačale ohłušitielnaja artpodhotovka plus maśsirovannyj avianalot.no ukraincy nanieśli kontrudary piervymi.čto imiejet kołossalnyj effiekt dla protivnika(-Dinamo biežit ? - vsie biehut.dažie kantiemirovka).každaja vojaka znajet , čto słomav protivnika psichołohičieski , ty na 50℅ užie pobiedił.ostalnoje -eto tiechničieskoje dobivanije(biej v odno słaboje miesto.i kabančik zavalitsia).moskovŝina povtoriajet puť nikołaški 2 , kotoryj pośle nieudač sam pribyvajet ruliť frontami v stavku , no jeŝio bolšie udručajet vojennoje połožienije.a dalšie budiet tolko bolšie smuty.na primierie prošłoho.v rośsijskoj impierii była obyknoviennaja armija.nie chužie i nie łučšie.prosto cariek rasstavlał na vysšije dołžnosti ludiej nie po umu , a po protiekcii.vot i riezultat -rievolucija.tak i sča v moskovŝinie.Voldiemar budiet śnimať , tusovať , no staviť provieriennych(a druhich v kołodie i niet)ludišiek.tak hdie v toj kołodie moh pojavitsia normalnyj połkovodiec ? Nie rodit śvinka apielsiki.hienierał ivašov , rabotavšij v hł.štabie pri sovkie , vsie čotko sprohnozirovał švabroprivodnym nakanunie vojny ichnija raskładki.potomu šo otstavnoj hienierał choť i był štabistom , no praktikom tieorii hłubokoho płanirovanija , a nie hołubym miečtatielem impierskich išpieniej
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera