Biełarusbank źmienšyŭ staŭki pa kredytach na kuplu ajčynnych tavaraŭ i aŭtamabilaŭ Geely
Biełarusbank źmienšyŭ staŭki pa kredytach, jakija vydaje na kuplu tavaraŭ ajčynnaj vytvorčaści, a taksama na budaŭnictva žylla. Pra heta paviedamlaje pres-słužba banka.
Staŭki pa spažyvieckim kredycie «Partnior Aptymalny» bank źmienšyŭ da 16% z pryviazkaj da staŭki refinansavańnia. Vydajuć na termin da troch hadoŭ.
Taki ž pracent vyznačany pa kredycie na spažyvieckija patreby terminam da 5 hadoŭ ź bieznajaŭnym pieraličeńniem srodkaŭ na rachunki trecich asob.
Kredyt na kuplu aŭtamabilaŭ Geely taksama staŭ tańniejšym: 17% hadavych zamiest raniejšych 19%.
Staŭka pa kredycie na budaŭnictva abo rekanstrukcyju pryvatnaha žyłoha doma ŭstanoŭlenaja ŭ pamiery 16% hadavych z pryviazkaj da staŭki refinansavańnia. Jaho vydajuć na termin da 20 hadoŭ.
Pad taki ž pracent prapanujuć kredyty na budaŭnictva abo nabyćcio domakompleksa (dačy, sadovaha domika) na termin da 12 hadoŭ.
Čytajcie taksama:
Biełarusbank viarnuŭ jašče niekalki kredytaŭ na nieruchomaść
