Kanstytucyjny sud Rasii čakana ŭchvaliŭ anieksiju ŭkrainskich rehijonaŭ
Damovy ab «pryniaćci ŭ skład Rasijskaj Fiederacyi» akupavanych ŭkrainskich abłaściej, padpisanyja 30 vieraśnia ŭ Kramli Pucinym i maryjanietkavymi prarasijskimi «kiraŭnikami» pryznanyja adpaviednymi kanstytucyi RF. Paviedamleńnie ab hetym apublikavana na sajcie suda.
«Z pryčyny advolnych rašeńniaŭ savieckich orhanaŭ ułady terytoryja Ukrainskaj SSR była ŭ značnaj stupieni sfarmiravana ź ziemlaŭ ź pieravažnym ruskim nasielnictvam, biez volevyjaŭleńnia samich hramadzian. Kali ŭ adzinaj dziaržavie, jakoj u sutnaści byŭ SSSR, heta samo pa sabie praktyčna nie pryvodziła da parušeńniaŭ pravoŭ hramadzian, jakija pražyvajuć na hetych terytoryjach, to ŭ suviazi z raspadam Sajuza ich faktyčnaje i pravavoje stanovišča stała źmianiacca da horšaha.
Situacyja asabliva pahoršyłasia paśla ŭzbrojenaha antykanstytucyjnaha pieravarotu ŭ Kijevie ŭ 2014 hodzie. Va ŭmovach vostraha sacyjalna-ekanamičnaha i palityčnaha kryzisu, a taksama ŭstalavańnia faktyčna źniešniaha kiravańnia z boku kalektyŭnaha Zachadu ŭłady Ukrainy pravodzili i praciahvajuć pravodzić metanakiravanuju palityku, jakaja pieraškadžaje tym hramadzianam, jakija identyfikujuć siabie jak datyčnych da ruskaha naroda, zachoŭvać svaju nacyjanalnuju, moŭnuju, relihijnuju i kulturnuju identyčnaści.
Pry ažyćciaŭleńni pravierki kanstytucyjnaści nazvanych dahavoraŭ Kanstytucyjny Sud Rasijskaj Fiederacyi zychodzić z taho, što pryniaćcie ŭ adpaviednaści ź imi ŭ Rasijskuju Fiederacyju, u pryvatnaści, Zaparožskaj vobłaści źjaŭlajecca pierš za ŭsio padstavaj dla realizacyi nieabchodnych mier pa spynieńni antypravavych dziejańniaŭ źniešnich sił, jakija pryčyniajuć śmierć, kalectvy i ranieńni hramadzianam na ŭkazanych terytoryjach i ŭ susiednich ź imi subjektach Rasijskaj Fiederacyi, i dla naładžvańnia mirnaha žyćcia», — havorycca ŭ paviedamleńni.
U zadačy KS uvachodziła pravieryć kanstytucyjnaść hetych damoŭ. Hetaja pravierka — adzin z krokaŭ u pracedury farmalnaj anieksii ŭkrainskich terytoryj Rasijaj. Dalej «dałučeńnie da Rasii» pavinny adobryć abiedźvie pałaty parłamienta i kančatkova zavieryć Uładzimir Pucin.
